時而溫柔呢喃，時而放聲吶喊，deca joins 透過不斷演化嘅音樂風格加上厭世卻又療癒嘅詞曲表達，無疑係近十年台灣最有代表性嘅樂團之一。自發表〈海浪〉、〈浴室〉、〈散去的時候〉起人氣持續高漲，無論係當地抑或造訪香港嘅專場都包保一票難求，今年初於臺北流行音樂中心舉辦一連兩日大型《deca joins 2024首演 天堂與泥土》專場，盡現大團功架更獲第15屆金音獎選為年度最佳現場演出。deca joins 特別為專場完成全新EP作品《暗流》，繼與色士風手合作後，又再嘗試融入長笛演奏，配合招牌結他音牆帶來銳變，今年首登 Clockenflap 作歷來最大型香港演出！